GAZA STRIP- Un intenso atake cu misil a wordo lansa dialuna desde e Gaza Strip contra di Israel. En total, e militarnan Israelinan a detecta e lansamento di casi 300 proyectil, 60 di cual a wordo intercepta pa e sistema di defensa di misil Cupula di Hero.
Un misil a impacto contra di un bus militar Israeli. E bus a “wordo alcansa directamente pa tiro terorista”, procedente di Gaza, segun Forsanan di Defensa Israeli (FDI) a trabes di su cuenta di Twitter.
#BREAKING The moment when #Israel army's bus was hit by a #Kornet missile from #Gaza pic.twitter.com/V0CbKYRPY4
— Guy Elster (@guyelster) November 12, 2018
Posteriormente, riba e rednan social a aparece un video di e momento exacto di e atake.
Hamas a reivindica su responsabilidad pa e atake, cu a activa e alerta den henter e region zuid di Israel. Di otro banda, cazanan Israeli a responde cu e lansamento ofensivo contra di e Gaza Strip.