AMSTERDAM, Hulanda- Den un atake cu cuchiu na Amsterdam Centraal dos persona a wordo herida. Polis a tira e sospechoso. Tanto e dos heridonan como e supuesto atacante a wordo hospitalisa.
Relaciona cu e investigacion policial a cera e parti occidental di e station. E otro partinan si tabata accesibel. No ta conoci si e sucedido aki tin di haber cu terorismo. E estado di salud di e heridonan tampoco ta conoci.
Testigonan a relata cu nan a skucha al menos tres tiro. Durante e incidente, panico a podera di esunnan presente, hopi di cual a huy di e station na gritamento.
Otro testigo a conta cu e incidente a tuma luga ora cu dos persona a bringa den un hal y un di nan a saca un cuchiu.