MOGADISHU (Somalia) – Al menos 32 persona a muri y 65 a resulta herida na Somalia den un atake di e grupo yihadista Al Shabab cu a cuminsa diahuebs anochi den un explosion di un autobom dilanti u hotel na Mogadishu y a sigui diabierna cu e toma oficial di varios edificio.
E truck grandi, a explota pa 9 or di anochi di diabierna den e portanan di e hotel Maka Almukarama, siuta den un di e cayanan principal di Mogadishu y rondona di un sin fin di tienda y restaurantnan,
Den e truck tabata tin cinco atacante cu a purba drenta e hotel, cu ta frecuenta pa funcionarionan di e gobierno Somali pa apodera di e establecimento, pero esaki a keda parcialmene desstrui y e atacantenan a huy pa otro edificionan den cercania unda cu nan a cera nan mes paden.
Despues di e explosion, cu por a wordo scucha na varios kilometer di e zona, cu a causa dañonan cuantioso y dañonan material den tiendanan y vehiculonan para eynan, por a scucha tambe varios rafaga di tironan.
E luga di e atake a sigui ta un escenario di tironan durante un bon parti di diabierna, te ora cu e forsnana di siguridad Somali a logra mata dos atacante cu diabierna anochi ainda tabata na bida.
E minister Somali di informacion, Dahir Geele, diabierna den oranan laat di anochi a informa cu e operacion a yega na su fin y cu nan a logra rescata varios civil cu tabata den e interior di e edificionan.
E atake a cobra bida di 32 persona, varios persona a wordo evacua pa varios hospitalnan Somali, segun e resumen proporcional an EFE pa e servicio di ambulance di Amiin, e unico gratuito cu ta funciona na Mogadishu, y tambe fuentenan hospitalario.
Sin embargo, e cifra lo por sigui subi, ya cu e kiponann di rescate a cuminsa excavacionnan dene edificionan cu a bin abao.
Somalia ta biba den un estado di guera y chaos desde 1991, ora cu e dictador Mohamed Siad Barre a wordo deroca y cu a laga e pais sin un gobierno efectivo, y den man di milicianan radicial Islamico, y bandanan criminal.