LONDON, Inglatera – Por lo menos 12 persona a resulta herida door di kemadura riba e madruga di dialuna den un club nocturno oost di London door di un atake cu un kimico, Cuerpo di bombero di e capital Britanico a informa dialuna.
E atake a obliga pa desaloha e 600 personanan cu tabata den e luga, den e districto di Dalston y no ta teme pa e bida di ningun di e afectadonan, nuebe di cual a sufri heridanan leve.
“E unico informacion cu nos tin ta cu e substancia corosivo sin determina, a wordo tira dentro di e discoteca. El a wordo identifica como un prueba di PH como un acido fuerte,” un vocero di e bomberonan a señala.
Testigonan cita pa e agencia local PA a describi como un mucha muhe cu a sufri kemaduranan na su cara y un brasa y como un grupo di persona cu tabata tira awa riba un di su amigonan tras di e atake.
Di nan banda, autoridadnan ta sigui awe mainta analisando e discoteca, caminda cu mientras tanto no a tuma luga ningun detencion relaciona cu e suceso.
Polis Britanico a registra aña pasa 454 atake cu acido na London, un 74% mas cu 2015, ora cu a tuma luga 261 atake.
Segun expertonan, e tipo di asaltonan aki a bira habitual entre algun banda, debi cu e substancianan ta facil pa haya sin cu por rastrea e cumprado.
Fuente: NTN24