MARYLAND, Merca- Mas di 45 mil atakenan registra den paisnan manera Reino Uni, Rusia, India y China kisas lo por a origina den e robo di “armanan cibernetico” for di NSA (National Security Agency).
Un atake cibernetico cu e virus “Ransomware” por a origina for di e robo di e “armanan cibernetico” gelink na gobierno Mericano a blokia varios hospital na Inglatera y cu a extende na varios paisnan rond mundo.
Investigadonan di siguridad di Kaspersky lab a registra mas di 45 mil atakenan den 99 pais, incluyendo Reino Uni, Ukraina, India, China, Italia y Egipto. Na Spaña, companianan grandi, incluyendo companianan di telecomunicacion manera Telefonica tambe tabata victima di e atake,
By diabierna anochi, e virus a extende pa Merca y Sur- America, aunke e atake di mas grandi a tuma luga na Europa, cu Rusia siendo e pais mas afecta, segun un ekipo di investigacion Malware Hunter Team. Minister Ruso di Interior a bisa cu mas o menos mil computer a wordo afecta.
Markus Jakobsson, e hefe di departamento cientifico cu e compania Agari a bisa cu e atake tabata mas bien un difusion enbes di ta un obhetivo.
Segun Jakobbson, e atake no tabata destina pa institucionnan grandi. E tabata destina pa cualkier persona of institucion cu a ricibi’e”.
E virus a wordo poni available online dia 14 di April, door di un grupo di hackernan yama Shadow Brokers, kendenan aña pasa a bisa di a horta e cache di e “arma cibernetico” for di National Security Agency (NSA). Pero esaki a wordo tuma cu hopi sceptisismo cu si e grupo kisas lo ta exagerando e magnitud di nan “hack”.
Ransomware ta un tipo di virus cu ta encripta e data di e usuario, pa despues exigi un pago pa por descrifra e data.
E demanda tabata di 300 dollar na Bitcion pa descrifra e archivonan, pero ta avisa cu e pago lo subi despues di un cierto cantidad di tempo. E traduci e mensahe den 28 idioma.
E atake registra na e National Health Service diabierna a lock out e staff for di nan computer, forsando e hospital pa cancela pashentnan.
Un hospital di Los Angeles a paga 17 mil dollar na bitcon na hackernan di ransomware aña pasam despues cu un atake cibernetico a mantene e docter y enfermeronan for di nan sistema di computer pa varios dia.
Jakobbson a bisa cu mirando e embargadura di e atake riba Rusia, ta existi e probabilidad cu e atake a origina na Rusia.
Door cu e virus ta spreid via email, e nivel di atake na Rusia pro ta un señal cu e criminalnan tin acceso na un database grandi di e emailadressnan Ruso.
Sinembargo, Jakobbson a bisa cu e origin di atake ainda no ta confirma.
Fuente: www.wn.com