Un atake cibernetico masivo, uzando heramientanan crea door di Agencia Mericano di Siguridad Nacional a hit varios organisacionnan rond mundo.
Computrnan den miles di luga a wordo gelock door di un programa cu ta demanda 300 dollar den Bitcoin.
Na April, hackernan conoci como The Shadow Brokers a bisa di a horta e heramientanan y cu a pone esakinan online.
Microsoft a lansa un ahuste na e vulnerablididad na Maart, pero hopi di sistemanan kisas no a wordo updated.
Tabata tin varios reportenan di infeccionnan den 99 pais, incluyendo Reino Uni, China, Spaña, Italia y Taiwan.
E compania di siguridad cibernetico a bisa di a topa cu 75 mil casonan di ransomware, miho conoci como WannaCry y varios variante di dje, rond mundo.
Hopi di e investigadonan ta bisa cu parce cu e incidente ta gelink, pero cu probablememente e no ta un atake ariba un blanco specifico.
Mientrastanto, e cartera di e unidad monetario Bitcon cu a wordo asocia cu e atake di ransomware, parce di ta yenando cu efectivo.
Un di e companianan afecta ta e Servicio National di Salud di Reino Uni, y e staff di e unidad aki a screenshot e programa di WannaCry.
Hospital y dokternan mester a cancela tur cirugia programa.
Algun reporte ta papia cu Rusia ta un di e paisnan mas afecta cu cualkier otro pais. E minister di interior di Rusia a bisa di a localisa e virus, despues di un atake riba computernan personal uzando un sistema operativo di Windows.
Un gran cantidad di companianan Spaño, incluyendo e gigante del telecomunicacion, Telefonica, tambe e poderoso compania Iberdrola y e compania di utilidad Gas Natural, entre esunnan afecta pa e atake. Personal di e companianan aki, segun informenan, a wordo pidi pa paga nan computer.
Portugal Telecom, compania di entrega FedEx, un autoridad local Sueco y Megafon, e compania di network mas grandi na Rusia, tambe a wordo afecta.
Algun experto ta di opinion cu e atake lo ta un forma pa mustra un debilidad den e sistema di Microsoft identifica door di NSA y bautisa bou di e nomber di EternalBlue. E heramienta aki a wordo horta door di e grupo di hacker conoci como The Shadow Brokers, cu despues a purba bende e software den un subasta online.
Pero despues nan a haci esaki liber, dunando un passoword pa e encryption dia 8 di April.
E hackernan a declara cu nan a publica e password como protesta contra di President Mericano Donald Trump.
E tempo ey, algun experto den siguridad cibernetico a bisa cu e virus aki tabata real, pero bieu.
Contrario na otro virusnan, WannaCry unabes e penetra den e organisacion, e lo busca e machinenan mas vulnerable y infecta esakinan. Kisas esaki ta e motibo pa cual e impacto ta asina grandi y publico.
Fuente: www.bbc.com