Atake ariba Iglesia Catolico ta costa bida di 6 persona

Ouagadougou, Burkina Faso – “Pa mas o menos 9 or di mainta, durante santo sacrificio di misa, algun homber arma a drenta e misa catolico. Nan a cuminsa tira ariba e fielnan ora cu esakinan tabata purbando di huy”.
Seis persona, entre nan e pastoor cu tabata oficiando e misa, a muri diadomingo mainta den un atentado contra un misa Catolico na Dablo, Burkina Faso. Esaki ta segun fuentenan local y forsanan di siguridad.
E atacanteann “tabata por a inmobilisa algun fiel, matando cinco persona. E pastoor cu tabata oficiando e misa tambe a muri, hisando e cantidad di morto na seis”.
Segun un fuente di siguridad, e atake a wordo cometi pa un “grupo di hombernan arma di entre binti y trinta aña”.
“Nan a cende e misa na candela, despues algun tienda y un maquis (bar/restaurant chikito) prome cu nan a dirigi nan mes pa e centro di salud unda cu nan a coy tur loke tabata tin den e luga den beslag pa despues cende e auto di e enfermera di turno”.
E atake aki a tuma luga dos dia despues di e liberacion di cuatro rehen den e zona noord di Burkina Faso, door di forsnana special Frances, cu a perde dos soldaat.
Burkina Faso pa cuater aña caba ta enfrentando na atakenan cada biaha mas sangriento y mas frecuente atribui na yihadistanan, entre cual Ansarul Islam, e Grupo di Apoyo na Islam y e Musulmannan (GSIM) y e Organisacion Estado Islamico di e Gran Sahara (EIGS).

Comments

comments