E incidente ta e di dos di e tipo den poco siman den e zona strategico den e zona strategico y coincidi cu e tensionnan creciente entre Iran y Merca.
Dos barco petrolero cu tabata nabega den e Golfo di Oman, dilanti e costa di Iran y mester a wordo evacua diahuebs ora cu nan a pega candela como consecuencia di un supuesto atake cu pone e prijsnan di petroleo bay halto ariba mercadonan internacional.
E agencia AFP a reseña cu e detayenan di e incidente aki no ta conoci, y e ta e di dos di e tipo aki den poco siman den e zona strategico y ta coincidi cu e tensionnan creciente entre Iran y Merca, cu ya caba a acusa Teheran di ta responsabel di e prome incidente, cu a tuma luga na mei.
E imagennan di television Irani a mustra e candela y baranan di huma saliendo di un di barconan.
Iran a splica cu su Marina a rescata e 44 persona despues di cu e dos barconan aki a pega candela door di un “accidente”.
Sin embargo e Fifth Fleet Mericano ta papia di un “supuesto atake” y a bsia di a ricibi señalnan di auxilio di e dos barconana aki.
Di otro banda, autoridad Maritimo di Noruega a informa cu tabata tin tres explosion a bordo di e barco petrolero Noruego “Front Altair”, cu a wordo ataca hunto cu “Kokuka Courageous”, propiedad di Singapur.
según medionan estatal Irani, e prome incidente a tuma luga a bordo di e “Front Affair” pa 8 or y 50 di mainta, den un punto situa na 25 miya nautico di Bandar-e Jask, un localidad portuario .
E 21 miembronan di tripulacion a bandona e barco despues di e incidente cu a provoca dañonan na e barco
E prijsnan di petroleo a bay halto ora cu e servicio di informacion Maritimo Britanico United Kingdom Marine Trading Operations a anuncia e incidente aki ariba su portal.
Despues di e prome informacionnan di e atake, e prijsnan di petroleo a subi cu 4%. E bari di Brenta den Northern Sea tabata wordo bendi na 61.74 dollar pa bari, 3% mas.
E golfo di Oman ta situa banda di e estrecho di Ormuz, un via maritimo clave unda cu diariamente 15 miyon bari di petroleo ta pasa y biyones di dollar den otro mercancia.