SANA’A- Al menos 22 mucha a muri na Yemen como resultado di un atake aereo di e coalicion lidera pa Arabia Saudita, segun informacion di e rebeldenan Hutie y confrima door ONU, segun AFP.
E atake a tuma luga den un campamento pa desplasadonan ubica den e distrito Duraihami den e region di Al Hudayda, den e region west di e pais.
Hussein al Bukhaiti, un activista pro-hutí cu base na Sana’a a relata cu e prome atake tabata dirigi contra di un pueblo na Duraihami “matando cinco personas y hiriendo dos otro”, mientras cu e di dos a cobra bida di 26 muhe y mucha cu a purba huy den un autobus. “E di dos atake a impacta contra e autobus, matando nan tur”, Al Bukhaiti a conta na Al Jazeera.
E atake ta bin net dos siman despues di cu cuarenta mucha a perde nan bida den otro bombardeo di e coalicion den e ciudad di Dahyan, den e parti noord di e pais.