TEHERAN, Iran – Diahuebs Iran a bisa den un comunicado cu e cinco hombernan involucra den e atentadonan na Teheran tabata miembronan Irani di e grupo insurgente ISIS cu a combati den e bastionnan di e militantenan na Siria y Irak, cual ta profundisa e ramificacionnan regional den e atake.
E atacantenan a invadi e Parlamento Irani y e mausoleo di e Ayatollah Khomeini diaranson mainta, deun un agresion inusual den e curason di e Republica Islamico. Autoridadnan a bisa cu e incidente a laga 17 persona morto y un decena di herido.
E poderoso Guardia Revolucionario Irani tambe a afirma cu e rival regional Arabia Saudita lo tabata meti den e atakenan aki, aumentando asina e tensionnan entre Riad, un potencia musulman Saudi y Teheran, un potencia musulman Chii, cu ta busca na aumenta su influencia den e golfo Persico. E acusacion aki a keda rechasa pa Arabia Saudita.
Ministerio di Inteligencia Irani a bisa diahuebs cu cinco di e atacantenan cu a muri den e atentado a wordo identifica como Iraninan cua uni nan mes na e militantenan Musulman Suni di liña duro di ISIS na Irak y Siria.
“Nan a sali di Iran y nan tabata involucra den e crimennan di e grupo terorista na Raqqa y Mosul”, segun e Ministerio, haciendo referencia na e capital de facto di ISIS na Siria y un ciudad cu nan a captura na Irak.
“Aña pasa, nan a bolbe Iran pa comete atakenan terorista den e ciudadnan santo di Iran”, e ministerio a agrega via e agencia di notica IRNA.
E atakenan ta e prome cu a wordo reindivica pa ISIS den e pais bou di control estricto di autoridadnan.
E Ministerio di Inteligencia Irani a bisa cu nan a detene mas sospechoso vincula den e atakenan, ademas di e seis Iraninan, incluyendo un muhe cu a wordo aresta diaranson.
Fuente: www.lta.reuters.com
