Cuepro Policial Aruba ta confirma cu dialuna den careda di 6:45 mainta central di polis a keda informa di un caso di atraco cu a tuma luga na un cas na Sabana Grandi. A despacha unidadnan policial pa e sitio y e victima un rato prome a informa cu dos atracador cu arma di candela y boca tapa a yega na su cas y purba na atrake. Tur dos homber tabata papia spaño y color di cuero blanco. Tur dos tabata tin jeans blauw bisti, ta asina cu nan no a logra di bay cu nada pero si a maltrata e victima. Personal di ambulance a presenta na e sitio y atende cu e victima. E atracadornan a huy den un auto color cora direccion abou. Recherche y personal di slachtofferhulp a presenta na e sitio di e sucedido. Cuerpo Policial ta pidi si un hende por a wak algo yama e tipline na 11141.