ATA a haci bishita den tres bario y a invita tur esunnan den otro barionan, pa uni nan mes na sesionnan, pa cual tabata tin hopi interes, pa loke ta e proyecto Bo Bario di ATA.
Durante e sesionnan aki tabata tin discusionnan di calidad. Pa medio di e sesionnan aki, ATA a yega na mas o menos 100 hende y esaki banda di e hecho cu durante e weekend di 18 maart, a haci encuesta cerca e pueblo local. A bishita diferente centronan di bario, diferente actividadnan cultural Aki ta unda ATA a logra acumula mas o menos 2 mil encuesta.
Un biaha mas, esaki tabata a base di pidi comunidad pa nan pensamento y comparti cu ATA unda nan ta mira turismo y aspectonan critico pa loke ta e desaroyo turistico. A base di encuestanan, y fuera di esey a tene un encuesta bou di nos bishitantenan, tambe fuera di esey, sesionnan cu a wordo teni cu expertonan den diferente area.
ATA a logra compila hopi datonan den e ultimo simannan, pa asina sigui formula e estudio di Carrying Capacity cu a inicia recientemente. Tur esaki ta cosnan hopi importante cu a sosode e ultimo simannan.
Aruba, a pesar di ta chikito tin su historia y ATA ta di opinion cu tur hende ta ariba un solo liña. E bishitante ta pidi mas di esey tambe y e comunidad kier pa mas di esey tambe,l segun Sra. Ronella Tjin A Sjoe- Croes, CEO di ATA. Locual ta haci nos autentico, nos herencia cultural, nos tradicionnan, loke ta di nos, nos cuminda. Di ambos banda tanto local como bishitante ta trece esaki dilanti.
ATA a bin ta bin enfoke ariab esey na diferente manera door di diferente proyectonan y e ta keda algo di e esfuersonan, nan ta habri pa ideanan y loke ta autentico di Aruba, trece esaki mas y mas dilanti, segun Sra. Ronella Tjin A Sjoe – Croes, CEO di ATA.