Un di e puntonan di maneho pa loke ta turismo ta diversificacion, pa cual Sra. Ronella Croes, CEO di ATA ta elabora mas ariba e maneho aki.
En berdad, mercadonan nobo cu a habri recientemente, p.e. den ultimo 6 aña a habri e mercado di Chile, y tambe Mexico, aunke cu e dicidi di wanta un poco cu esey, mirando cu tin hopi mas oportunidad na un costo hopi mas rendabel. ATA a bin ta traha caba ariba Peru, y e hecho cu por bay expande e mercado aki, no ta algo di awo. A bin ta traha ariba dje y e.o. e mester bay man den man cu aviacion.
Tin adelantonan pa 2019, unda cu por tin posibel vuelonan non-stop for di Peru, cu lo por yuda e mercado di Peru, pero lo por yuda otro mercadonan di Brazil y Argentina. Asina tambe ta sigui cu e diversificacion na Merca. Dentro di Merca, un otro aspecto importante ta e parti west di Merca, cu ta inclui e parti di Dallas.
E anuncio cu a haci recientemente di e vuelonan non-stop for di Dallas cu American Airlines, cu ta cuminsa dia 22 di december venidero, ta un parti integral di strategia pa sigui diversifica dentro di Merca tambe. Si wak un Dallas y e perfil di e bishitante inicial, y otro areanan di e region eynan, sigur ta uno hopi atractivo. Y Aruba mas cu claro mester ta eynan cu tin ingreso y manera eleva pa laga mas atras akinan.
Na Europa, ATA ta keda mantene su presencia den diferente mercado caba y ta purba di expande esey, atrayendo consecuentemente bishitante di e perfil desea. Ta continua cu esfuersonan na Italia, Alemania, Inglatera fuera di Hulanda. Y Latino-America ta sigui cu esfuersonana na Brazil, Colombia Argentina, fuera cu Chile y Peru. TIn esfuersonan cu ta wordo haci ora ta necesario, riba mercadonan cu ta mas chikito, manera p.e. Ecuador, Paraguay y Uruguay. Pa loke ta Norteamerica, ta sigui mantene loke tin caba manera Canada.
Pa loke ta calidad, esaki ta wordo midi a base di e.o. e entrada anual cu e hende ta gosa di dje. Con ta haya esaki? Pa medio di encuestanan, pero tambe mas eleva e pais ta den su analisi na e data cu tin disponibel, mas analisis por haci. Dus, di Merca ta hay’ e di otro manera tambe. E prome punto ta, ora di atrae bishitante, unda esaki ta fit, na e entrada di 150 mil dollar bay ariba y cuanto nan ta. E parti dos, ora cu wak despues di nan bishita, kico nan a gasta na Aruba. Y con esaki ta relata cu esey. Esaki ta wordo relata via encuesta via airport. Tambe un online exit service. Despues di e bishita, e ta haya un email, gradiciendo e pa su bishita y tambe un propuesta pa yena un encuesta. Asina aki ATA ta midi e calidad.
Por ultimo, ATA ta monitor tourism-receipt, cu ta worod controla door di Banco Central di Aruba. Y aki por midi, a base anual, conforme cu e distribucion di data, pro wak cuanto entrada a yega Aruba, ta wak cuanto hende a bishita y pa cada hende ta saca e average loke e turista a laga atras den nos economia. Asina por midi si e ta stabiel of e ta bahando, pero afortunadamente ta wak un patronchi positivo den varios di e indicadornan aki, segun Sra. Ronella Croes, CEO di ATA.