Sra. Ronella Croes, CEO di ATA ta elabora ariba e punto di bista di ATA ariba Medio Ambiente y Siguridad pa nos bishitantenan.
Como ciudadano, nos ta autocritico y nos sa cu enberdad, nos ta haya nos mes confronta cu mas caso cu ta bin dilanti. Hecho ta cu ora cu compara, ainda Aruba ta brinda e sentido di siguridad. Pero e ta manera ya bisa, ta diferente señal cu ta duna e indicacion cu tin cos cu no ta cana bon. P.e. e parti di “overcrowded”, ya cu esaki ta un pregunta cu ta haya for di bishitantenan. Esey a bin ta subi tras di aña di aña, for di 2014. E maneho di nos beachnan. Sra. Croes ta contento cu tin pasonann concreto cu ta wordo tuma un biaha mas, ya cu esaki tin su retonan. Di parti ATA, pa e tres puntonan: Siguridad, ATA ta sigui inverti den Aruba Hospitality Foundation, cu 5 miyon florin, y e sector aki ta keda haya su atencion debido. Di otro banda, tin e programa di certificacion, cu recientemente a wordo amplia. Tin hopi otro cursonan cu ta wordo ofreci. ATA su tarea eynan ta mas hopi hende posibel sigui e dialogo aki. Y ATA ta den dialogo cu gobierno, pa mara e curso aki na cierto permisonan. Y tambe nos beachnan ta haya atencion di ATA, for di investigacion di calidad di nos awa y investigacion pa tene nos awa y beachnan limpi. Tambe ATA lo sigui duna enfoke ariba e sector turistico.
Visibility Team cu tin di area di centro di ciudad, cu ta cay directo bou di Aruba Hospitality & Security Foundation, cu ta algo cu semper a wordo elogia. E tipo di conceptonan aki, manera Strandpolitie cu mester di ampliacion di Manpower cu ta tipo di deliberacionnan cu ta tuma luga den seno di Aruba Hospitality & Security Foundation. E visibilidad di autoridadnan, den caso di Visibility Team, ta un ekipo cu ta casi manera polis, aunke mas friendly, teniendo cuenta cu ta siribi turista. Algo asina ey ta wordo discuti den e plataforma y mester yega na e formula di con por organisa y ken lo mester paga pa kico. Y di ki manera por haci esaki.