Pa e encuesta haci den 2016 pa cu barco crucero a saca hopi informacion importante pa cual temanan manera restaurant y hopi cos mas cu e bishitante ta sinti cu Aruba mester drecha pa cual, Sra Kareline van der Linde research, specialista di ATA ta splica
E survey di crucero haci na Maart y April 2016, ATIA kier a haya sa mas di e turista crucero, di nan patronchi di gasto, tipsnan, con nan lo kier pa haci Aruba mas great pa nan. A base di nan recomendacionnan nan kier mas variedad den restaurant, mas variedad den shopping, mas variedad den excursionnan. Y tambe nan lo kier mas acceso na wi-fi, esaki ta esunnan mas hoben. E resultado di survey tocante wi- fi, esaki lo mester conta pa full Aruba, specialmente den e area portuario.
Tambe e bishitantenan lo kier tin mas variedad den restaurantnan, na unda cu e turista crucero tin acceso na dje tambe den vecindario di e waf. No tin mucho variedad den centro di ciudad, ya cu mayoria di restaurantnan ta concentra den su mayoria den e area di Palm Beach.
Pa loke ta excursionnan, e turista crucero ta di opinion cu lo por tin mas variedad den e actividadnan di excursion. Di tur e actividadnan cu Aruba por ofrece, toch e bishitante crucero ta haya cu falta di mas variedad.
Un total di 400 hende a ser entrevista pa cual esaki ta e prome fase haci den 2016 pa asina tin un bista di e pensamento di nos turista cruceronan riba Aruba segun Sra van der Linde ta splica.
E mayoria di pasaheronan cu a ser entrevista ta procedente di Merca, unda cu a entrevista mas tanto personanan femenino. Segun Sra. Van der Linde, esey semper ta e caso. Pero loke ta e edad, esaki semper a wordo representa door di baby- boomers. Esakinan tin e edad di 42 pa te mas o menos 60 aña. E edadnan a ki a participa mas den e estudio.
Tabata tin tambe e millenialnan, tabata 25% di e encuestadonan. Millenialnan tin edad di 20 pa 30 aña. Encuestadonan ta 20 pa 30 aña, cual ta millenialnan, despues ta haya e GenEx, cual ta di 35 pa 40 aña y por ultimo ta haya esunnan di 42 aña pa 60 ta haya e babyboomernan. No tabata tin menornan di edad den e encuestadonan.
E encuesta tabata haci basa ariba schedule cu ATA a ricibi for di Aruba Ports Authority. A bay cu un grupo di studiante y un grupo di data collector cu ATA ta uza caba pa otro eventonan, por ehempe pa SummerFest y Electric Festival, unda cu ATA tabata haci research tambe. Dus e data collectornan ta hendenan cu a wordo getrain door di ATA mes. Y tambe cu un grupo di studiante di Universidad di Aruba, cu tambe a haci e data collection pa ATA. Asina Sra. Kareline van der Linde a finalisa bisando.