Nunca lo ta pa tur pais conoce Aruba. Esey ta masha simpel segun Ronella Tjin Ashoe-Croes di ATA a splica. Nos tin 10 mil camber pa yena y lo tin mas awor aki considerando otro tiponan di acomodacion y juist ta cu nos mester ta hopi selectivo y por lo menos inversion haci na Aruba den mercadonan cu ta duna e bishitante cu ta laga mas atras y cu ta cuadra cu e vision di kico Aruba ta para pe. Ta imposibel cu ta bay bisa cu lo bay mira un plan di cualkier director aki cu ta bay conkista mundo completo. Simplemente no lo tin sentido. Den e contexto eynan, si por bisa cu ATA ta habriendo diferente mercado, conforme e maneho tambe di turismo y cu lo amplia unda cu tin cu haya unda cu tin mas potencial y unda cu ta haya cu e perfil di e bishitante ta uno hopi atractivo.
ATA ta den diferente mercado caba, Hulanda, Italia, Alemania, Scandinavia, Inglatera. ATA ta basta amplio caba, considerando cu ta representa 8% di esnan cu ta bishita. E intencion tey sigur pa expande e representacion y den e cuadro aki tin hopi avance ya caba pa por spera pronto por ta anunciando desaroyonan hopi positivo for di mercado di Alemania. Sin lubida cu a anuncia prome cu verano, vuelonan adicional cual a keda pa winter tambe. Nan a traha hopi duro pa vuelonan adicional pa henter aña, otro aña.
E intencion tey pa unda cu bo ta, bo sigui capitalisa y bo saca mas cu por y por percura pa cierto mercadonan nobo cu ta atractivo manera Alemania.