Ronella Croes di ATA ta elabora tocante e preparacionnan cu tin den 2019 pa loke ta Carnaval.
E temporada di Carnaval semper ta cay den temporada halto di turismo. Proyeccionnan ta indica cu temporada halto ta mustrando positivo. Carnaval tambe ta wordo uza pa promove Aruba internacionalmente. Ta trahando riba diferente iniciativa pa pusha e informacion cu Aruba ta celebrando 65 aña den diferente mercado. Esaki ta integral den ATA su plan promocional. Un di e puntonan cardinal cu ATA ta haya falta di dje y cu ta bay traha riba esaki ta pa promove e actividadnan aki mas hopi. E ta ideal tambe pa tin mas posibilidadnan riba e ruta di Carnaval pa bishitantenan por wordo sirbi, por tin nan luga y por gosa di e Carnaval.
Sra. Croes ta mustra cu ta importante pa mantene e bishitantenan informa henter aña di e actividadnan cu lo wordo organisa durante e simannan di Carnaval.