Mester wak con pa facilita e informacion, con pa make sure cu e turistanan cu yega, nan ta bon informa di unda pa shop. E aspecto di shop ta un aspecto hopi atractivo y importante pa centro di ciudad. ATA kier ta sigur cu nan ta haya e informacion mas hopi posibel. Asina nan por yega den centro y gasta placa, cual ta meta.ATA recientemente a cuminsa cu borchinan di indicacion, pa mustra e turista unda e centro di ciudad ta keda, unda museonan ta keda.
Di otro banda tin programanan di incentivo, pa stimula compras pa e tripulacion. Pa e cruceronan tambe ta trahando ariba dje. Esey ta informacionnan ricibi y no solamente di e survey cu a haci.
Bo ta haya turistanan crucero cu ta bin bek. ATA lo kier comberti turistanan crucero den turistanan cu ta bin y ta hospeda den nos hotelnan. Tin hopi di e turistanan crucero cu ta gusta bin bek como turista di crucero. Mester trece mas variedad den actividadnan di Aruba y ATA ta stimula e industria local pa sigui inverti, sigui innova den nan producto. Sigui bin cu servicionan nobo y diferente.