Hopi turista cu ta bin Aruba a duna hopi idea pa trece cambio y atraccion nobo pa cual ata lo bay usa e base di datonan aki den e di dos encuesta den 2017 segun van Der Linde
ATA a ricibi remarkenan di kico mas nan lo kier, cu excepcion di Wi- fi, variedad den restaurant y variedad den excursion y variedad den nan acceso. Mester corda cu e turistanan aki ta solamente pa un paar di ora na Aruba y no ta e turistanan cu ta bin pa keda mas dia.
Mayoria di e turistanan encuesta, a yega di bin Aruba caba ta hendenan cu ta bin Aruba cu barco y no tin mucho di nan cu ta bin via avion. Algo interesante cu a sali di e encuesta ta, e pregunta cu a wordo haci na nan, kico ta nan motivacion pa tuma nan barco crucero en general. Pa hopi di nan ta e convinencia, ya cu nan ta desempaca un solo biaha. Y ta wak hopi destinacionnan, esey ta un punto hopi importante pa tuma un barco crucero. Pero si nan wak Aruba riba e ruta, y 60% di esunnan cu a wordo encuesta, a indica cu ora Aruba ta riba e ruta, esaki ta un motivacion pa tuma e barco crucero aki.
Eigenlijk e encuesta aki, haci na 2016tabata parti di un proyecto piloto cu ATA kier a haci pa haya sa mas di e patronchi di gasto, nan habitonan, con satisfecho nan ta cu Aruba. Hopi di e turistanan crucero ta hopi satisfecho nan ta cu Aruba. Un 55% di esunnan participa na e encuesta a indica cu nan ta hopi satisfecho cu Aruba, y esaki tin di haber cu e amabilidad di e habitantenan di Aruba, cual a sali hopi halto cual ATIA ta hopi satisfecho cun’e, tambe e siguridad y por ultimo Aruba su beachnan cual ta keda hopi popular pa nos bishitantenan.
Lo sigui cu e estudionan pa asina por haya sa mas informacion pa asina wak kiko ta e deseonan di nos bishitantenan segun Sra van der Linde. Na November y December, e resultadonan aki ainda mester wordo compila pa asina tin un bista mas amplio di loke nos bishitantenan ta desea.
ATA lo haci un reunion cu tur stakeholdernan, unda cu lo por mustranan kico e bishitantenan ta desea pa asina tur esunnan envolvi ta na altura di kico e bishitante kier y asina traha ariba e mehoracion di esaki.
Un otro pregunta cu a bin dilanti, a puntra e bishitante kico nan lo kier eynan na waf. Y a sali cu nan lo desea un mapa, ya cu nan no tin mucho ora ariba Aruba. Y nan lo kier sa di biaha kico tur nan por haci riba e isla, durante e oranan cu nan ta riba e isla. Esaki ta un punto di mehoracion cu ATA ta bay pick up, unda lo bay traha mas mapa, mas propaganda. E mapa ta mas pa yuda e bishitante kico tur Aruba tin di ofrece, sra. Van der Linde a finalisa bisando.