Den un entrevista cu Sr. Mario Arends di ATA a puntr’e si ATA ta na mesa cu comerciantenan pa habri nan porta riba diadomingo ora tin barco crucero pa asina e bishitante tin algo di hasi den centro di Oranjestad. Sr. Arends ta splica.
Importante ta cu por comunica mas tanto posibel cu e comunidad general y sigur cu e gremio comercial, ariba tereno di oportunidadnan cu e industria ta trece. Un di e oportunidadnan ta, cu lo bo por habri ariba diadomingo, unda cu normalment lo mester ta cera. E ta rekeri cierto inversionnan di e comerciante, dus eynan nan mester haci evaluacion si nan ta habri of no ta habri. Semper tin e incertidumbre precisamente kico habri ariba un diadomingo ta signfica y si esaki ta hustifica na entrada.
Pa ATA ta importante pa incentiva y informa nan mas tanto posibel cu tin oportunidadnan cu ta na caminda, unda nan mes ta dicidi, evalua y nan ta haci uzo di oportunidadnan cu ta presenta.
Atrabes di rednan social y via diferente medionan, ta purba pa e comunidad ta na altura cu e dianan ta druk den e aña. Di experiencia, Sr. Arends ta bisa cu e comerciantenan ta bon na altura, ki dia tin e dianan druk. Nan mes ta check e schedule di cruceronan. Y nan ta hopi alerto ariba e oportunidadnan eynan. Un parti cu nan ta lucha un tiki cun’e, ta pa nan tin un tiki houvast, cuanto y ken ta bay habri. Y eynan nan ta purba di traha cu Kamer van Koophandel y Economische Zaken, pa tin un tiki houvast, precies ariba un diadomingo en particular ken ta bay habri. ATA no por duna un bista di adelanta ariba esey.
Ademas di e informacion, cu ta stimula e comerciantenan pa habri un diadomingo, ta dunanan un opcion di unda cu SI nan por shop. Al menos ariba un diadomingo, cu nan yega Aruba, shopping ta limita, y lo ta mustranan kico ta nan opcionnan. Pero sigur sigur kier dunanan informacion, pero di otro banda kier duna e pasaheronan otro opcion, y e maneha nan expectativanan, ora nan yega Aruba. Esaki segun Sr. Mario Arends, di ATA.