Dialuna mainta a tuma luga firmamento di un MOU cu AIRBNB, caminda cu CEO di ATA, Ronella Tjin Asjoe-Croes, a splica cu esaki tabata un momento historico y special. Ta importante cu esaki ta un logro. E fenomeno di peer-to-peer di economia comparti, a tuma mundo como sorpresa, specialmente esnan den e mundo di biahe y turismo. Tambe AirBNB ta e compania mundial di hospitalidad. Tambe ta un hehco cu den e area di comparti economia, den e caso di Caribe y Aruba, ta den e area di provision y acomodacion, cu ta mira un crecemento significativo den uzo di acomodationnan alternativo den e ultimo añanan. Acomodacionnan alternativo, no ta nifica acomodacionnan na hotel, entre otro. E ta wordo ofreci atrabes via plataformanan manera AirBNB. Den caso di Aruba, 34% di bishitantenan a keda na acomodacionnan alternativo, y na September 2015, 37% di esnan cu a bishita, a keda na acomodacionnan alternativo.