Sra. Ronella Croes di ATA a splica cu tin diferente iniciativa ta tumando luga. E iniciativanan di ATA ta enfoca mas bien ariba parti internacional. Dus pa medio di oferta y programanan. Lund adi Juni ta wordo categorisa como luna abao. Specificamente lunanan di Mei, Juni, September y October y cu ATA ta pusha mas.
Por evalua eventoann asina aki pero Sra. Croes no kier keda para ariba e ideanan, pero tampoco kier descarta cu lo kier evalua esaki. E activacionnan aki ta enfoca ariba mercado internacional. Den luna di Juni ATA tin un evento, cual ta e Aruba Summer Music Festival. ATA tin un programa pa luna di Juni completo cual ta wordo yama e Aruba All Wellnes Month y bou di e programa aki cu ATA ta uza como vehiculo di mercadeo den tur programa, diferente ofertanan cu ta enfoca ariba wellness. Diferente operadonan, hotelnan, tur ta participa y tur ta cuadra nan oferta ariba e topico cu nan ta enfoca ariba dje. Esaki ta un manera di pusha cierto lunanan tambe, como tambe door di cierto eventonan y programanan.
ATA tin hopi programa y nan ta haci diferente cos. Nan tin programa cu bo por participa den dje, nan tin nan website www.aruba.com cual ta un vehiculo unda por duna informacion, ya cu e ta un portal hopi bon bishita. ATA ta duna diferente workshop cu nan ta brinda di con pa mehora y kisas bo oferta mas pa e ta mas alinea cu e turista di awendia. Y tambe nan tin diferente investigacionnan cu nan ta haci. Den diferente caso, nan ta haci investigacionnan general na Aruba, ATA ta contrata partidonan pa haci esaki. Pero e participantenan lo haya conseho di kico e base ta pa e bishitante, kico nan por mehora y kico nan ta haci hopi bon.
E operadornan chikito, cu ta ofrece un of otro actividad, segun ATA sigur tin diferente posibilidad pa amplia locual cu Sra. Croes a splica, dus e enfoke pa yudanan. Pero mester tene na cuenta cu e canal di distribucion ta cambia y ta sigui evoluciona. Sra. Croes ta consciente cu tin diferente operadornan cu tin mas presencia den hotelnan cu tin mas posibilidad pa yega na e bishitante. Tambe mester bisa cu esunnan cu ta bende Aruba ta traha cu varios operador y no tur ora e ta traha cu tur. Tin un structura di e mercado mes, cu aunke cu ATA por influencia cierto grado di dje, e ta parti di simplemente e mecanismo di mercado liber y negocacionnan. ATA ta para pa ampliacion di oferta y ofertanan nobo na e bishitante. Nan ta haciendo diferente cambio, e.o. ariba www.aruba.com .
Enberdad operadornan chikito cu ta mas personalisa, cu ta diferente na locual cu ta haya den presencia mas grandi, pa esakinan bin toch un tiki mas dilanti. Hopi biaha si nan ta esunnan cu ta bay na un nivel di personalisacion mas profundo, cual ta algo cu e bishitante ta buscando mas y mas. ATA ta tumando ariba su mes, e papel pa ahusta e plataforma cu nan ta ofrece.