ATA: ‘Aruba tin suficiente capacidad di test y facilidad pa brinda e viahero servicionan necesario’

Ronella Tjin-Asjoe Croes, CEO di Aruba Tourism Authority ta splica cu nos mester ta consciente cu recuperacion di nos turismo na Aruba lo keda un proceso gradual. Despues di e prome siman di 2021, ATA por a nota diferente cos caba cu tirando un bista riba Merca, bo tin un New York cu ta un di e mercadonan clave unda cu ta rekeri e test di PCR negativo pa bo regreso tambe pa New York, y asina tambe tin hopi mas estado ta haciendo esaki aworaki, incluso e instituto pa e pais completo cu ta CDC tambe ta considerando un implementacion di e rekesito di test prome cu bo regresa e pais, pa e pais completo di Merca.

Ta cosnan cu ATA ta monitoria, y conhuntamente cu autoridadnan concerni, ta brindando e siguridad na consumidornan y tur cu kier bishita Aruba cu tin suficiente capacidad di test, y tin sigur tur facilidadnan pa por brinda e viahero e servicio necesario. A confirma esaki y ATA a informa tambe CDC di esaki caba, na unda Aruba ta cla pa brinda e servicio ey.

Si tira un bista na Canada, atrobe e rekesito di test cu a bin na vigor a causa hopi cancelacionnan tambe, y esaki Aruba tambe ta sintiendo mescos cu otro paisnan cu ta kisas poco mas dependiente di Canada.

Riba Latino America, mescos ta aplicabel y tambe pa Europa, nos tin Inglatera cu a bay riba lockdown cual a conduci na cancelacion di vuelonan introduci na December. E cancelacion di vuelo ta te cu 12 di februari 2021, y tin tambe un di dos mercado cu ta practicamente habri pa viahe cu ta Hulanda cual tambe ta stimulando tur habitante pa no viaha te cu mediante di Maart 2021, sigur un sla duro pa e mundo di turista eynan tambe y sigur tin su consecuencia pa nos tambe.

Comments

comments