Conforme ahustacion cu Aruba a haci riba e sistema di Reddix, y ATA ta un usuario di e sistema aki di Inmigracion. Y conforme cu ahustacionnan haci, lamentabelmente ATA tin un atraso den e cifranan. Pero ta trahando ariba dje. Sra. Ronella Tjin A Sjoe- Croes, CEO di ATA ta splica.
Ta spera cu pa aki tres luna lo por tin un bista ariba e cifranan aki. Pero ATA ta monitor e resultadonan cu AHATA ta publica, como tambe resultadonan di Airport tambe. Y asina tin hopi diferente componente cu ta wordo uza pa sa kico tin te cu aworaki y kico por spera.
E temporada halto di e aña aki a cuminsa hopi bon pa Aruba. Tin e bahada di Venezuela cu ta bin ta tumando luga pa basta tempo caba.
Pero si mira 2018, Venezuela a cay cu 50% atrobe, y na 2017 a pasa den e mesun tendencia.
Si por mira cu e mercado Mericano ta reaccionando fuertemente, haciendo nos turismo un stabiel y creciente, ora cu mira entrada pa medio di turismo genera. Ta mira cu e mercado di Latino America, excluyendo Venezuela, a e otro mercadonan a duna resultado. Ta mira un crecemento den e region. Y pa loke ta Europa tin mercadonan cu tin dificultad. Pero e mercado primario di Europa cu ta Hulanda a crece cu 8% na 2018.
Pues lo sigui cana e trayecto di compensa mas tanto posibel, pero ATA no ta papia mas mucho di esey, pa motibo cu e importante ta, cu a logra di compensa y importante di te hasta crece significantemente di loke ta entrada cu ta genera pa medio di turismo. Y esey semper tabata e meta principal. Cu Venezuela den dificultad of no, semper e strategia di Aruba y su turismo ta dirigi ariba trece mas entrada y mas cu claro ta purba cu e entrada ta dividi den diferente sector, pero conforme Banco Central su resultadonan, ‘tourism credits’, cu ta entrada directo liga na turismo di aña pasa. Aruba su turismo a sigui duna den e temporada halto di e aña aki.
ATA sa cu e temporada di turismo ta exitoso, tin dialogo cu aeroliñanan cu ta transporta, tin feedback di hotelnan, tambe feedback di tur esunnan cu ta bende den e diferente mercadonan.
Aruba ta sigui ta fuerte, pero segun Sra. Tjin A Sjoe- Croes a sigui bisa cu e proyeccionnan di e temporada halto cu ta sigui ta sigui di ta positivo. Tin cierto preocupacionan y tin cierto oportunidadnan.
Preocupacion ta mara na algo cu ta den noticia actualmente, e Boeing 737, companianan aereo cu tin e avionnan aki como parti di nan flota, dado momento lo por bisa cu nan lo por tin menos avion pues, nan ta bay ta mas exigente y critico, di unda nan ta pone avionnan cu nan tin. Y eynan, e lo por tin un impacto ariba loke ta e bon proyeccionnan pa Aruba.
Oportunidadnan ta di diferente manera. Tin otro destinonan cu lamentablemente ta sufriendo di diferente problemanan di siguridad.
Pa loke ta Cuba, awo cu Merca a manda blokia tur actividad pa Cuba, y a drenta diferente peticionnan cu a drenta di companianan crucero, cu ta nifica mas negoshi pa Aruba ariba e area akinan. Sin kita e parti di ‘stay-over tourism’ cu lo tin su impacto positivo.
Merca pa dos aña consecutivo ta sigui ta fuerte y tur indicacion ta cu pa 2020, e temporada halto tambe e lo por sigui di ta un mercado hopi fuerte.
Pero tur ta oportunidad pa Aruba, Sra. Tjin A Sjoe a sigui bisa.
E meta di ATA ta pa crece e region, excepto Venezuela. Latino America ta un cuestion di mas unda bo ta move e negoshi. Pasobra tin un Argentina cu tin su dificultadnan, Brazil tambe tin su dificultadnan. E region ta uno volatil, hopi biaha e aspecto politico ta afecta e diferente mercadonan aki, pero tin ainda como meta pa trece e region di Latino America. Y lo ta enfocando hopi ariba Colombia, Chile, Peru. E ultimo aki ta un mercado relativamente nobo pero cu a duna hopi bon resultado den categorianan di gruponan cu a bishita Aruba, companianan di negoshi cu a scoge Aruba como biahenan di incentivo. Lo sigui traha ariba e region aki. Tabata palabranan di Sra. Ronella Tjin A Sjoe- Croes, CEO di ATA.