Recientemente Aruba Sport Unie a organisa un Girls and Women Sport and Health Day den conexion cu e celebracion riba Dia Internacional di Hende Muher den Centro Deportivo Betico Croes. Notabel ta cu varios federacionnan deportivo afilia na ASU a forma parti di e bunita atardi aki. E meta pa cual a organisa e dia aki tabata pa stimula mas e ser femenino pa participa na deporte organisa y tambe haya mas informacion riba nan propio salud.E mayoria di e federacion nan presente a duna un splicacion di nan deporte mientras e atletanan a duna un demostracion kico tur nan deporte ta encera.
Mas cu claro tur presente por a haya diferente mas informacion na cada booth unda e representantenan a duna un splicacion amplio di nan deporte y por a inscribi pa bira miembro mesora. Lotto, e loteria di Aruba ta contento di por aporta y brinda e ayudo necesario na e organo deportivo ASU cu ta representa nos federacionnan deportivo pa asina nan por realisa entre otro proyectonan di concientisacion y stimulacion pa e ser femenino den nos comunidad.
Un danki sigur na Lotto, e Loteria di Aruba pa medio di Comision di Subsidio cu a yuda cu nan contribucion na e Girls and Women Sport and Health Day organisa pa Aruba Sport Unie
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.