po cursista a atende e curso di CPR/Prome auxilio organisa pa Aruba Sport Unie. Diasabra ultimo, e directiva di Aruba Sport Unie a haci entrega di e certificado di participacion na e cursistanan aki cu e sigui esaki cu exito. E curso tabata uno habri unda a haya participacion di varios miembro di e federacionnan deportivo, coachnan, atletanan y demas boluntarionan cu ta traha den e ramo di deporte. Mester bisa cu cada bez e demanda pa tipo di cursonan aki ta bira mas grandi sigur di esnan ta traha den e mundo deportivo local. Den pasado ya caba a organisa dos curso cu a resulta den un exito.E curso di CPR mas cu claro tabata basa riba casonan di emergencia y ki tipo di accion mester tuma pa asina yuda esun den necesidad. E curso di EHBO a wordo atendi pa un total di 19 cursista, esnan cu a logra haya nan certificado di participacion duna door di Sr. Enrique Gomez tabata Shahaira Croes, Editha Lake, Nandita Misier,Zymion Loefstop, Javois Gerswin, Mandy Angela, Brigitte Werleman, Marcia Fingal, Lolita James, Conrad Orman, Deo Fluonia, Valeska Milton, Mulai Hermadj, Isabel Finol, Cathleen Lieuwon, Yazmira Tromp, Jose Maduro, Elias Kock y Carina Tromp.
Un danki sigur na Lotto, e Loteria di Aruba pa medio di Comision di Subsidio cu a subsidia e curso di EHBO organisa door di Aruba Sport Unie.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.