CIENCIA
TENNESSE, Merca- Un grupo di astronomonan di e Universidad di Florida y Tennesse State University a descubri na un distancia relativamente cortico di Mundo, un planeta similar di e famoso Vulcano, hogar di Mr. Sprock di e serie ‘Star Trek’.
Según cientificonan a splica den un comunicado, e planeta nobo ta un ‘supermundo’ cual tamaña ta dobel di nos planeta y cual aña ta dura solamente 42 dia.
E Vulcano real ta orbita rond di e strea HD 26965, conoci pa fanaticonan di ‘Star Trek’ pa su nomber alternativo 40 Eridani A. E strea aki ta na solamente 16 aña luz di Mundo, pa cual e ‘supermundo’ aki ta esun mas cerca cu ta orbita rond di otro strea similar na Solo, según e astronomo Jian Ge, un di e autornan di e estudio.
Hecho ta, e “por wordo observa a simpel bista, contrario na otro streanan anfitrion di e mayoria di planetanan conoci te cu awo”, otro di e investigadonan, Bo Ma ta afirma. El a agrega cu awo “ken cu ta por wak 40 Eridani A riba un anochi briyante y ta orguyoso di señala e cas di Mr. Sprock”.