E siman aki Astrid Gietel, un contador di cuenta di curason, ta bishita diferente scol. Esaki ta su bishita na Rosario College dialuna ultimo. Su presentacion tabata den cuadro di Festival di Buki pa Mucha.
Astrid tabata maestra di scol cu a traha hopi aña cu Mediateca escolar di biblioteca. E ultimo añanan prome cu el a baha cu pensioen el a traha cu biblioteca Hubenil caminda e tabata guia mucha cu lesamento y traha huiswerk y organisa actividad atardi pa stimula lesamento. Ainda, tambe despues cu Astrid Gietel a baha cu pensioen, biblioteca por conta cune pa diferente actividad.
Henter siman, tur atardi di dialuna pa diahuebs tin actividad pa mucha na biblioteca Playa y San Nicolas. Presentacion ta cuminsa 3or y ta gratis pa tur mucha y nan mayor.