Asociadonan y miembronan di gerencia di La Cabana Beach Resort & Casino a reuni recientemente pa honra e personanan cu mas a destaca, honrando nan logro pa e di segundo kwartaal di 2018.
E evento, cu tabata un lunch di celebracion den e sala di conferencia, a subraya tres persona cu a destaca mas y a reconoce otro asociadonan talentoso, ganadonan y nominadonan di e titulo di Asociado di Luna di april, mei, y juni, incluyendo e titulonan di Supervisor ganador y e Ekipo di Segundo cuartal.
E evento a aplaudi e ekipo di Housekeeping, ganando e titulo honorabel di Ekipo di Segundo Kwartaal, mientras cu Luz Adriana Danje, di e departamento di Food & Beverage a wordo nombra Supervisor di e Segundo cuartal.
Diahaira Vrolijk, Owners Services, a bira Asociado di Luna pa april; Henry Garcia, Pool & Beach, Asociado di Luna pa mei y Christopher Carolina, Security, Asociado di Luna pa juni.
Tur a wordo elogia personalmente pa nan trabaonan estelar y pa nan conducta profesional.
E hotel tambe a reconoce varios asociado cu a celebra nan aniversario, entre otro Linda Mitchell di PBX y Naisa Nurse, Health Club, cu a cumpli diez aña di servicio; Martha, Clara, Acevedo, di Housekeeping, concluyendo 20 aña y Geegee Jaranilla, Front Office, celebrando 25 aña.
Durante e outing tradicional di e segundo cuartal, Rina Geerman a gana honor maximo durante e ceremonia amistoso cu a tuma lugar na Hofi Ly. Rina, cu ta e Owners Services Manager di e hotel, a wordo recompensa cu un bunita plakaat y un regalo di parti su coleganan.
Pabien na tur e ganadonan y nominadonan, e trabao duro di La Cabana Beach Resort & Casino su asociadonan ta pa crea vacacionnan memorabel.
Joe Najjar, Gerente General a informa cu su hotel ta aprecia y agradeci tur e asociadonan pa nan esfuerso y compromiso. Traha den e industria hotelero ta dunabo gratificacion, e la bisa, y tur e asociadonan cu a wordo reconoci a ricibi hopi apoyo di nan miembronan di ekipo y nan lidernan, evidente den con e gerentenan cu ta representa nan asociadonan a describi nan etica laboral cu palabranan sincero, probechando di e oportunidad pa reconoce nan asociadonan pa nan esfuersonan durante e segundo cuartaal y a splica con e aporte aki a impacta e resto di departamento y e customer service na e hotel.