Un total di 50 asistentenan di dokter a tuma e curso di NGH triagewijzer. Sra. Natasha Upegui, Presidente di Doktersassistenten Aruba ta splica e importancia di e curso aki y tambe e meta su tras.
Meta principal ta pa organisa diferente workshop, charla y seminarionan y asina e dokterassistent por sigui cu su upgrading profesional. E curso di triage a wordo duna door di Sra. Patricia Veloz, cu ta enfermera y a haci curso pa bira docente di Enfermeria. Fuera di esey el a lanta su mesun negoshi, y un di e lesnan cu e ta unda ta les di triage. Asina nan a yega den contacto cun’e, pa e bin duna les na e asistentenan di dokter. Un total di 50 asistent di dokter tabata presente y nan a haya un splicacion amplio di con pa uza e NHG triage wijzer, cu ta un map y e asistentenan tin’e den forma electronico tambe y a base di esey bo ta haci preguntanan clave, tocante un malesa, un lesion y asina por saca afo con lihe bo ta yuda e pashent cu na e momento ey ta yama of ta para na balie.
E curso aki tabata uno interactivo, nan no a sinta skucha. Nan a haya casonan, nan a haya chance pa evalua. Y awo e asistentenan ta miho entrena pa asina awo ta un persona clave pa yuda e dokter yuda e pashentnan mas lihe.
E 50 personanan aki tabata tin diferente educacion. Na Aruba no tin e opleiding di dokterassistent, tin cu a bin for di Hulanda. Tin un grupo cu a gradua 3 pa 4 aña pasa cu tabata tin un verkorte opleiding, tin MBVG-er. Dus tin diferente tipo di personana cu tin diferente tipo di educacion. Pero esey no kiermen cu nan no por haya e curso di triage wijzer.
E dokterassistentnan desde 2014 ta organisa un biaha pa luna, un charla y e lezing ta wordo unda sea door di specialista of dokter di cas. Tabata tin un lezing unda e laborant, Robert Wever, a splica con pa lesa un labform. Tin e artsenbezoekernan cu ta bin for di Corsou,cu ta bin duna lezing pa asina tene e asistentenan di dokter up to date den e mundo medico, segun Sra. Natasha Upegui, Presidente di Doktersassistenten Aruba.