Diaranson marduga pa 04:50 Central ta dirigi patruya di Noord pa Eerste Hulp pa un homber cu tabata agresivo. Na yegada di e patruya, oficialnan di polis ta combersa cu e security kende a conta polis cu un rato prome a yega un homber na Eerste Hulp pa ricibi tratamento medico. Pero e homber en cuestion tabata hopi agresivo y a maltrata un di e guardianan di siguridad. Pa su propio siguridad, e guardianan a logra calma e homber K, kende tabata mustra di ta bou influencia di un of otro substancia. K. ta conoci pa tin problemanan psikiatrico pa cual el a wordo interna den PAAZ pa tratamento adicional. Pero problemanan no a caba eynan, ya cu segun e homber B., un biaha mas K. a corta su man robes. Mas sigur K. lo biaha pa Hulanda dialuna.