BOGOTA, Colombia – Como a keda anuncia diamars ultimo, presidente Juan Manuel Santos, a ricibi den e Palacio di Nariño ex presidente Andres Pastrana.
Segun informacion di e Presidencia di Colombia, Santos prome a reuni cu Pastrana y despues cu ex presidente Uribe, actual senador. Durante e reunion tambe tabta tey presente Oscar Ivan Zuluaga, Martha Lucia Ramirez y mas.
Despues di designa delegadonan pa avansa den un dialogo pa logra un acuerdo di paz cu FARC, presidente Juan Manuel Santos – impulsa pa e si den e referendum pa aproba e acuerdo cu FARC – y Alvaro Uribe – lider di e campaña di e no, cu a sali ganado – lo a reuni diaranson. Santos a invita Uribe y tambe e expresidente Andres Pastrana, tambe figura vocal pa e “no”.
E propuesta di e reunion a bin despues di e resultado di e referendum den e urnanan diadomingo cu a pasa, caminda cu e Colombianonan a faborece e opcion di e no, loke no a permiti pa implementa e acuerdonan alcansa pa FARC y Gobierno, cu ya a firma den un acto protocolario dia 26 di September, na Cartagena.
Di un otro banda, presidente Santos, a anuncia cu a “extende e cese al fuego bilaterial y definitivo cu FARC” te cu dia 31 di October, ta bisa den un comunicado for di Cas di Nariño.
E obhetivo ta “avansa den dialogonan pa yega na un acuerdo cu lo permiti soluciona e conflicto arma.”
“Mi ta spera cu nos por avansa den e acuerdonan y den dialogonan pa nos por concreta e areglo y acuerdonan cu ta permiti nos pone en marcha e solucion na e conflicto aki,” e presidente a bisa.
Fuente: NTN24