Asia a surpasa 10 miyon infeccion di Coronavirus diasabra, e di dos region na mundo cu mas caso, segun informe di Reuters, mientras casonan ta sigui aumenta na India apesar cu cos ta calmando otro partinan di mundo.
Patras di Latino America, Asia ta ¼ di e casonan global di 42,1 miyon di e virus. Cu mas di 163,000 morto, e region ta conta cu 14% di e cifranan di COVID19 global. E informe aki ta basa riba rapportnan oficial di paisnan. E cantidad di casonan y mortonan tin chens cu ta mas halto, segun expertonan, mirando e deficiencia den test y falta di rapporta den varios paisnan.
Despues di Merca, India ta esun cu a haya mas sla, apesar cu infeccionnan ta bahando. India ta registrando mas cu 57,000 caso di e virus pa dia, cual ta 58 caso nobo pa cada 10,000 persona den e economia di mas grandi na Asia. Indonesia a surpasa Philippines siman pasa manera e pais cu a hay’e mas pisa cu 370,000 caso.
Mike Ryan, e cabes na UN su agencia di emergencia, a bisa cu e cifranan di morto global di COVID19 por dobbel te na 2 miyon prome cu un vacuna wordo introduci, y por ta hasta mas halto si no tuma accion pisa pa combati e brote.
Fuente: REUTERS