E personahenan di anime famoso “Pokemon” ta despedi di e serie despues di 25 aña, segun informacion di producernan ora cu nan a anucia e temporada nobo cu lo bay cuminsa na april 2023. Awo cu Ketchum y Pikachu ta retira, e serie lo bay presenta dos protagonista nobo, kendenan lo hiba e papel di un mucha muher “Liko” y un mucha homber cu yama “Roy”. Nan lo bay ta compaña dor di tres Pokemon.
Prome cu tur e cambionan aki pasa, ariba 13 di januari, un serie di 11 capitulo di e serie actual “Pokemon Journeys in the West”, lo bay conta e capitulo final di e historia di Ash y Pikachu.
E actriz Sarah Natochenny, ta esun cu ta e bos na ingles di Ketchum y otro personahenan desde aña 2006. Pa Sarah esaki tabata un previlegio extrordinario pa forma parti di e serienan aki.
E franquicia di Pokemon tambe tabata hopi exitoso. Aki por menciona weganan ariba celular “Pokemon Go” cu a bira un famoso caminda mester a busca e personahenan ariba mapanan di e mundo real. Tambe su weganan di Nintendo Switch cu a bende mas di 10 miyon di copia desde cu e la wordo lansa te cu luna di november 2022.