Asesino di Sarahi Sierra condena na 20 aña di prizon

Diabierna mainta, J. Chalgut a presenta den pa asina su sentencia den caso FIST, conoci como De Vuyst.

Hues a haya proba cu Chalgut ta culpabel di a mata Sarahi y como tal ta conden’e na 20 aña di prizon.

Chalgut ta e unico sospechoso den caso di asesinato di Sarahi Sierra.

SOSPECHOSO

Chalgut a desmenti categoricamente di a comete e crimen aki, como tambe di a horta e placa. Door di esaki corte solamemte ariba pruebanan forensico presenta. Segun hues, tin varios scenario posibel cu por a conduci na e crimen aki. Pero hecho ta,  cu e sospechoso a keda keto y nenga, ta haci cu Corte no por a basa su sentencia riba un posibel scenario. Pa esaki, segun sra. Hues, ta algo cu no tin den e caso aki.

Cu e sospechoso a mata cu e intencion pa facilita e secuestro di e persona, no por wordo prueba legalmente. Corte no sa kico ta of tabata e intencion di e sospechoso pa comete e actonan aki. Kico ta su relacion cu e crimem cometi y kico a tuma luga, despues cu e crimen a keda cometi, no ta conoci. Loke si ta proba ta cu el a comete actonan di violencia ci consecuencia cu e victima a bin fayece por wordo pensa. Sinembargo, di otro banda, no por wordo prueba legalmente y convincentemente a base di pruebanan presenta.

SENTENCIA

Corte ta considera cu e sospechoso a mara un mama hoben den su cas, a viol’e y mat’e na un forma horibel. El a bay laga e curpa di sarahi atras, sabiendo cu e curpa lo wordo haya door di su sernan keri. Y eski a tuma luga, unda cu e ruman mas chikito di Sarahi, di 13 aña a bin haya e curpa. A base di e heridanan na curpa di e victima, tin indicacion cu Sarahi lo a bringa pa su bida, cu ta un derecho fundamental cu e ser humano, ta dispone di dje. Y esaki a wordo kita for di dje. E crimen aki ta laga famia y amigonan, como tambe e pareha cu’n tristesa enorme. Esaki ta algo cu pa resto di nan bida, na mester biba cun’e.

E crimen aki a shock comunidad, segun hues a bisa. Y el a yuda crea un ‘sentimento’ di insiguridad como tambe intrankilidad den nos comunidad. Rappoet di psicologo ta indica cu e sospechoso por para responsabel pa su actonan. Y e hecho cu Chalgut tin un strafblad, sigur no tabata di ayudo pa e sospechoso.

Teniendo tur esaki na consideracion, hues a dicta sentencia y a condena Chalgut na 20 aña di prizon. Esaki ta enbes di bida largo, manera cu fiscal a exigi.

Por lesa e sentencia:

Uitspraak zaak Fist

Uitspraak zaak Fist

Comments

comments