WARSAW, Polonia- E gobernado di e ciudad di Gdansk na Polonia ta fayece debi na heridanan cu el a ricibi. El a wordo hinca gravemente na momento cu e tabata riba stage durante un evento beneficioso caminda tabatin miles di hende presente y kendenan tur a presencia e acto aki. Pwel Adamowics di 53 aña di edad a wordo hinca cu un obheto scherpi na momento cu e tabata papiando riba stage. Riba imagennan por mira con e persona ta jega serca y hinca e gobernador cu di biaha ta dobla y tene su bariga. E homber kende a comete e asesinato aki a declara despues cu el a haci e acto cu el a wordo hinca den prison apesar cu e tabata inocente dor di e partico na cual e gobernado ta pertenece. E homber a wordo gara riba stage mes prome cu e por a hui. E asesino tin 27 aña di edad y ta biba den e mesun cuidad y cu un badge di prensa el a logra jega asina serca te pa comete e acto aki. E gobernado ta conoci pa ta un homber recto y tabata contra di descriminacion di homosexualidad y personanan di menos recurso.