E asesinato ariba e Irani-Hulades Ahmad Mola Nissi (52) un likidacion politico? Of tin otro motibo tras di e tiroteo di diaranson anochi na Den Haag?
Sigur e no ta e luga unda bo por spera un likidacion den e politica Irani: riba e stupi di un cas na Den Haag, patras di Centraal Station. Pero ta for di e mesun cas aki, ariba e di tres piso cu e movimento separatista Ahwaz tabata wordo dirigi. “E regimen Irani ta tras di e asesinato aki”, según Qasem Niassy, subrino di e victima a declara, enfaticamente.
E victima, Ahmad Mola Nissi diaranson anochi trempan a wordo tira mata riba e stoepi dilanti di su cas. El a wordo tira cinco biaha, for di un Mercedes, según testigonan. Paramediconan lo a purba na reanim’e, pero sin resultado.
Movemento separatista
E tiroteo lo por a pasa desapercibi, si no ta paso cu Nissi no ta cualkier victima. E Irani-Hulandes ta na cabes di e movimento politico di e movimento separatista Arabe- Irani Arab Struggle Movemento for the Liberation do Ahwaz (ASMLA). Un grupo chikito di militantenan cu desde 1999 ta bringando pa independencia den e region di Khuzistan, cu nan ta yama Ahwaz. E region ey den e region zuid-west di Iran, cerca di e frontera cu Irak, ta wordo habita pa cerca di 2 miyon Arabier Ahwaz cu ta sinti nan mes suprimi door di e regimen di Teheran. Na comienso di e siglo aki e grupo a comete algun atentado cu bom den e region, caminda cerca di 20 persona a perde nan vida. Iran ta considera e grupo aki como un grupo terorista. Pero e grupo no ta riba e lista Hulandes of Europeo di teroristanan.
Nissi a huy di Iran na 2006, via Siria pa Hulanda. El a haya un permiso di estadia na Hulanda y ultimo tambe a haya e nacionalidad Hulandes. Polis y Ministerio di Relacionnan Exterior no kier bisa nada di e tiroteo. Tampoco si ta trata di un morto politico of lo tin otro motibonan su tras. Si resulta cu Iran tin di haber cu e asesinato aki, esaki lo por causa un problema di gran escala na nivel diplomatico. Embahada Irani no kier a duna comentario ariba esaki.
Fuente: https://www.ed.nl/