Campeonato HEINEKEN fast pitch dedica na baluartenan Chin Thiel ( q.e.p.d) y e trabuco Wilbert “Wiwi” Maduro a continua den su recta final den categoria AA masculino. Apesar cu e tempo di awa ta tranca e finalnan unda na dos ocasion mester a cancela wega pero poko poko pero sigur e lo yega na su final. Macuarima Spark elektra a elimona Spuiters y a inicia su serie di best out of 3 contra Balashi Spuiters pa mira ken lo pasa pa final pa topa Royal Power Tat Fat Home Depot pa disputa pa e titulo maximo. Den e prome wega un wega emocionante te den bom di 4 inning cu Macuarima ganando 3-2. Den cabez di 5 inning pitchernan di Macuarima a perde control y Balashi a probecha dio esaki momento cu a saca e pitcher habridor den di 4 inning y ta trece Arjen Mathilda kende ta tira 12 bola bon pa 3 base por bola den combinacion cu un rally Balashi ta anota 9 careda pa bolter e score y seya e victoria. Juan Chirino ta drenta pa Arjen pero ya e daño tabata hasi. Balashi Premuim 11 cared, 7 hit, 3 error y ta laga 7 coredor den circulacion. Macuarima Indians 3 careda, 4 hit, 3 error y ta laga 8 coredor na base. Mihor bateadornan pa Balashi Premuim ta Djurwin Croes 2-2 cu 1 rbi, Sando Geerman 2-1 cu 1 rbi y 3 careda anota, Sandrick Geerman y Gianmar Alders di 2-1, Egimar lampe tambe di 2-1 cu 1 rbi y 1 careda anota. Pa Macuarima Indians a destaca na plato Darl Quandus di 2-1 cu 1 rbi y 1 careda anota, Jeanpierre Geerman 2-1 cu 1 rbi, Patrick Lampe y Jermain ras ambos di 1-1 cu 1 rbi. Giancarlo Gomez ta seya e victoria riba su nomber relevando Jorge Santana Cortina kende a bay 3 inning y 2 tercio. Carlos Croes ta bay cas cu e derota ricibiendo relevo di Arjen Mathilda y Juan Chirino. Dialuna awor si e tempo permiti nos tin riba schedule un double header Balashi Premuim vs Macuarima game 2 cuminsando pa 715pm na Pos Chiquito ( of Flatstone) y si mester mesora game 3 entre e dos ekiponan, Gran final lo inicia diaranson y lo continua diahuebs unda pronto nos lo bay tin e campeon di AA masculino. Softball a la carga!!!