Campeonato HEINEKEN fast pitch di Aruba Softball Bond dedica na baluartenan Chin Thiel (q.e.p.d) y e trabuco Wilbert “Wiwi” Maduro a continua riba veldnan na Pos Chiquito. Den categrora AA e equipo di Royal Power Tat Fat Home Depot a enfrenta e fuerte equipo di Spuiters MIPA. Angelo “Dang Dang” Arnold a baha cu un speed hopi halto pero no por a domina e bateria di Royal Power. Di otro banda Jomark Flanegin tabata impresionante riba minticulo a a “shut down” e bateria di Spuiters totalmente. Royal Power 7 careda, 8 hit, 1 error y ta laga 5 coredor den circulacion. Spuiters 0 careda, 1 hit, 1 error y ta laga dos coredor na base. Royal Power como equipo a bay di 21-8 bon pa un averahe di 381.
Spuiters a bay di 15-1 pa un averahe di 66. Mihor bateadornan pa Royal Power ta Jair Thompson 1-1, Jomark Flanegin 3-1 cu 1 rbi, Leander Angela 3-1 cu 2 rbi cual bataso porcierto tabata un cuadrangular bastante leew, Juni Faro di 2-1 y Aldrick “Charro” Loopstok kende a bay di 2-2. Jomark Flanegin ta lannsa 5 inning, 15 bola y 46 strike bon pa un total di 61 lansamento propinando 5 strike out, regalando 1 base por bola y no ta permiti careda pa bira e pither ganador. Jomark te cu awor den di dos round tin un ERA di 0.00 cual posiblemente ta un record nobo pa Aruba.
Angelo Arnold tambe ta bay 5 inning, 47 bola, 54 strike pa un total di 101 lansamento permitiendo 7 careda limpi, 1 strike out y 4 base por bola y ta bay cas cu e derota. Weganan di Playoff final Femenino lo continua diasabra 6pm y diadomingo 11 am na Pos Chiquito mientras wega desisivo di A-Klas (si mester) lo tuma lugar diasabra anochi 8pm. Tur weganan aki ta programa na Pos Chiquito. Softball den pleno desaroyo.