Diahuebs y diabierna siman pasa henter e famia di Arutram tabatin dos dia di training pa asina mehora e calidad di servicio cu ya caba nan ta brinda su clientenan. Arutram tin diferente plannan pa futuro y den cuadro di esaki ta preparando henter su personal pa optimalisa e servicio.
Recientemente tabatin un workshop cu Stichting Rancho pa loke ta e area di centro di ciudad, cual por cierto tabata uno hopi positivo y informativo. Diahuebs personal di Arutram a tabatin un curso interactivo di Customer Service unda nan mes a analisa y presenta con ta ofrece un bon servicio y con un mal servicio lo por ta. Diabierna tabatin e curso di Brandblussers cu a wordo duna door di personal di Brandweer.
Aki tur a siña e diferente tiponan di brandblussers cu tin, con pa haci uzo di nan, con pa reconoce e peliger y con pa actua den caso di candela. A finalisa e dia cu un guia di e funcionamento di switchnan di rails for di personal di DOW.
Arutram kier gradici tur esnan cu a haci e cursonan aki posibel y lo keda enfoca riba tur e posibilidadnan pa por ofrece un miho servicio na tanto local como turista.