Actualmente Arutram ta pasando den un proceso di cambia un poco e imagen di ta un compania di transporte pa un compania di duna servicio. Sr. Pierre Croes, director suplente di Arutram ta splica mas ariba e proceso aki.
Den un aña practicamente Arutram a bay completamente den un training pa nan empleadonan, den tur sorto di trainining, operacional, servicio na cliente, comercial. E diea ta pa Arutram den un futuro hopi cercano lo cuminsa produci ingresonan den cierto sentido.
Den e parti ey, e base ta bo empleadonan. Dus bo trahadonan ta bira e piesa mas importante cu bo compania por produci den esaki.
Sr. Croes a sigui bisa cu nan tin cierto plannan cu nan ta desaroyando. Nan a reuni cu diferente partnernan, ATIA, ATA, MAMBO cu diferente personanan di interes den centro di ciudad. Arutram lo trata di tur forma pa e turista baha den caya pa asina haci nan compranan, y esey ta un di nan metanan.
Arutram a papia cu e minister ariba esaki y nan tin e apoyo di minister. E idea ta pa cumisna haya ingreso, ya cu e contribucion di gobierno lo no ta dje halto ey mas. E prome plan di Arutram cu e ta trahando ariba dje, ta un tour cu ta destina pa turistanan cu ta keda den hotelnan, caminda cu nan lo trecenan den centro di ciudad pa un tour (historico). E pensamento ta cu turismo di Aruba mester evoluciona den otro sentido aworaki. P.e. semper turismo a wordo dedica na nos beachnan, tin e temporada di casino y despues a bin un poco di aventura pero a lubida ariba nos parti di historia y cultura di Aruba, y ey ta caminda cu Arutram kier focus awo. Vooral ariba e cultura y historia di centro di ciudad. Ey ta unda cu Arutram lo organsia algun tour, unda cu e turista cu kier sa di e historia di Aruba.
Arutram a reuni cu Departamento di Cultura, cu Monumentenbureau y tambe cu Fundacion Rancho, unda cu tin un acuerdo cu nan, cu lo yuda Arutram pa e tour pa e turistanan aki, segun Sr. Pierre Croes.
Lo bay cuminsa dialuna cu diabierna, 2 biaha pa siman dus, di 9 or di mainta te cu 12 or di merdia mas o menos. Pa loke ta e turismo di crucero, tin otro plan tambe pa esaki, cu ta poco mas viabel na e momentonan akinan.