A bira manera un tradicion cu e ultimo simannan di vakantie ta bira hopi druk aunke cu ta for di comienso di Juli Arubus a cuminsa cu renobacion di carchinan di Arubus pa studiantenan. Sr. Sannin Daou di Arubus ta splica.
Ta manera un custumber ‘Rubiano cu ta laga tur cos pa ultimo ora y toch nan ta core bin. Dus esey ta e motibo cu nan tin esaki atrobe. Pero mester bisa si, cu e aña aki nan tabata tin un miho experiencia cu den pasado. Tur e propaganda y tur e biahanan cu a ripiti esaki, e ta menos compara cu añanan anterior.
Loke cu falta, segun sr. Daou, loke falta ta 20% ainda, pero normalmente esaki ta hopi mas den e periodo aki, mirando cu scol ya ta bay habri. Pero di tur manera, Arubus kier pa tur hende sa cu nan ta renobando e carchinan ainda. E ta algo cu nan lo sigui haci. SI un mayor un studiante no ta cumisna diahuebs y kier warda un tiki mas, esey por.
Si Arubus kier pa tur hende corda cu e studiante mester tin su carchi na ordo, pa bo subi bus di scol. Si mester bin cu’n comprobante cu e studiante ta bay scol ainda. Si ta bon pa bin cu e carchi existente, y si tin placa ariba dje, e placa cu a resta ta pasa pa e carchi nobo pa e aña escolar nobo.
Pa esunnan cu no tin carchi ainda, por pasa na oficina di Arubus y asina esaki ta wordo regla mas pronto posibel.
Loke cu Arubus kier pa ta duidelijk ta cu e tarifa di scol ta di 1,50 cu ta mita di loke ta paga normalmente. Pa haya esaki mester por comproba cu e mucha ta bayendo scol, y pesey nan ta pidiendo e pruebanan aki, segun Sr. Sannin Daou