Arubus kier a informa pueblo en general cu despues di e sucedido di awemainta, na momento cu un di nos busnan a pega na candela. Esaki sigur algo lamentable caminda nos a perde un di nos busnan pa motibo di candela, pero alabes nos ta gradicido cu ningun hende a resulta herida gravemente. Nos mester remarca cu e chauffeur en cuestion a haya algun kemadura nan na su man robes na momento di a purba paga e candela, pero sin embargo nada cu ta trece peliger pa su mes persona. Nos kier a tuma e oportunidad aki pa desea su persona un pronto recuperacion y cu e porta back cu nos pronto.
Mesora Arubus a start cu un investigacion interno riba e bus en cuestion y tambe a tuma contacto cu Brandweer su departamento investigativo pa asisti nos den esaki pa asina por determina exactamente kiko a pasa. Na momento cu esaki ta kla nos lo sa di publica esaki pa pueblo en general y en especialmente nos usador nan di bus por ta na altura di e susedido aki.
Si nos mester sigura nos usador nan di bus cu nan por ta trankilo mirando cu Arubus a cuminsa revisa nos busnan ,e weekend aki mes,rigurosamente pa asina evita cu esaki por bolbe sosode den future. Tambe nos kier segura tur nos usadornan cu tur nos busnan cu subi caminda a pasa door di e keuring na DTI, y tur a pasa cu exito sino nan lo no subi nos caretera nan.
Pa termina nos kier a gradici tur nos usador nan di bus cu semper a sa diu usa nos servicio y confia cu nos por sigui duna boso e mesun bon servicio aki den futuro.