Pa medio di e comunicado aki Arubus kier a informa Prensa y Pueblo di Aruba completo cu riba Diahuebs 20 April, 2017, nos lo ta introduciendo un ruta nobo cual lo bai facilita tur nos usuario nan di bus cu ta bishita MFA Paradera pa haci cualkier transacion. E ruta aki manera mayoria di nos busnan, lo sali for di nos station di Bus na Oranjestad y lo ta bayendo direcion MFA Paradera.
E ruta exacto direccion MFA Paradera lo ta : saliendo for di Station di Bus na Oranjestad, Weststraat, J.G. Emanstraat, Hendrikstraat, Caya Ernesto Petronia, De la Sallestraat te na rotonde Sero Blanco, Sero Blanco, rotonde Paradera, Paradera y termina na MFA Paradera.
E ruta pa regresa station di Arubus na Oranjestad lo ta: Saliendo MFA Paradera, rotonde Paradera, Sero Blanco, retonde Sero Blanco, De la Sallestraat, Caya Ernesto Petronia, Koningstraat, rotonde Paardenbaaistraat, Paardenbaaistraat, Arubus Station Oranjestad.
E bus aki lo ta corriendo di Dialuna pa Diabierna segun e schedule nan publica aki, cual ta igual na e dianan di opercacion di MFA Paradera. Cu e servicio nobo aki, Arubus kier a invita Aruba completo pa probecha e oportunidad aki na momento cu mester bai MFA Paradera pa haci cualkier transaction, usando nos bus y evita tur trafico riba e caretera nan. Nos kier remarca cu e bus aki ta un bus cu servicio di Arubus y manera custumbra caba por paga usando Smartcard di Arubus Awg 3,- of tambe pagando cash Awg 4.50