Pa medio di esaki Arubus kier a cuminsa na informa na tur nos usuarionan, cu entrante 31 October 2017 proximo tur Smartcard nan categoria standard lo caduca y lo mester wordo renoba. Pa e motibo aki Arubus ta cuminsa un campaña di awo caba, caminda for di 10 Juli 2017 proximo, por cuminsa renoba esaki y asina evita cu lo tin rij nan largo mas cerca di e dia menciona.
Un biaha mas lo renoba e standard smartcard nan aki pa un periodo di 3 aña, pero e biaha aki lo usa un fecha variabel. Esaki ta nifica e dia cubo renoba bo Standard Smartcard bo 3 aña lo cuminsa conta y no manera anteriormente caminda tur ta caduca mesun dia.
Haciendo esaki, e processo di renobacion aki 3 aña lo ta hopi mas facil y cu menos fluho di hende. E renobacion aki por wordo hasi na nos oficina principal na Arubus Sabana Blanco durante ora di oficina cual ta di 8or di mainta non stop te cu 3:30 pm atardi, di dialuna pa diabierna. Pa facilita tur nos usuarionan di bus, Arubus tin un campaña na nos busstation di Oranjestad, cual lo cuminsa entrante 10 Juli 2017, di 2or pm te cu 7or pm atardi.
Hunto cu e Standard Smart card lo por renoba e student smartcard tambe na momento cu nos ta na Busstation Oranjestad y tambe na nos oficina principal na Sabana Blanco durante ora nan meciona mas ariba y tambe si no tin un standard smartcard ainda por saca un nobo tambe mesora. Corda cu pa e studiantenan mester trese comprobante di skol, sea recibo di pago di schoolgeld of rapport caminda por wak cu e mucha ta bai scol ainda, Awg 15,- y e smartcard existente si e tin un caba.
Corda cu pa medio di esaki Arubus ta duna oportunidad na un y tur pa renoba nan smartcard sea di studiante of standard na tempo y asina evita reynan largo, cu tur consecuencia cu esaki por trece cun’e. Probecha e dianan aki pa por hasi esaki hopi mas facil. Esaki lo costa e suma acostumbra Awg 15,- pa renoba.