Arubus ta bin cu ruta nobo, entrante diahuebs 20 di April, for di Playa cu destinacion MFA Paradera. Sr. Teo Croes, director di Arubus ta splica.
E ruta nobo aki ta bin dor di demanda cu tin pa e ruta aki y pesey mes como regalo di Arubus, nan lo duna 100 carchi gratis dia 25 di Apri. Sr. Teo Croes, director di Arubus ta splica.
Arubus a bin cu e ruta extra aki, a base di peticionnan ricibi, pa transporte pa personanan cu tin mester di ayudo di Sociale Zaken. Na Playa nan ta atende mas di 1200 persona cual por wordo atende na Paradera. Ta pa e motibo ey a bin cu e ruta nobo, cual a cuminsa diahuebs 20 di April.
Esunnan cu no tin auto, Arubus ta facilita nan e transporte publico, ya cu no tin coneccion pa e bario aki. Diamars, dia 25 di April, Arubus lo regala 100 kaarchi di Arubus, generico. Esaki ta dirigi ariba personanan cu poco entrada.
Na comienso lo haci uzo di un bus chikito, pa wak kico e demanda lo ta. Si e demanda subi, Arubus tambe lo cambia pa un di e busnan grandi. Arubus ta studiando e otro rutanan, pronto nan lo bin cu un plan di aanpak nobo. Nan ta studiando pa cambia nan dienstregeling, haci esaki mas efectivo, tanto pa e parti di operacion como tambe financiero pero tambe pa e parti di servicio.
Sr. Croes a sigui bisa cu nan a tene diferente reunion cu diferente companianan di Hulanda, pa wak con nan sistema ta funciona na Hulanda cu por purba adapta na Aruba, den cierto forma. No ta tur cos por adapta, pero tin hopi cos cu si por wordo uza pa hisa e eficiencia y cu esaki tambe e servicio. Ta calcula cu e proyecto aki lo tin un duracion di mas o menos 1 aña. Asina Sr. Teo Croes, director di Arubus a finalisa bisando.