Den fin di siman awo ta tuma luga un evento grandi aki na Aruba, cual ta e KLM Marathon. Debi na esaki, Arubus ta haya su mes obliga ta adapta su rutanan.
Sanin Daou a splica kico Arubus ta bay haci pa adapta su rutanan riba diasabra atardi (5 KM) y diadomingo ora cu e marathon y half marathon tuma luga.
Diasabra, a pesar cu lo no cera caminda, pa evita cualkier inconveniencia, Arubus a dicidi cu na momento cu e busnan yega banda di Amsterdam Manor, e busnan lo bira na e rotonde pa coy direccion Sasaki. Lo sigui e caminda aki y drenta bek riba e caminda di hotelnan banda di South Beach (un poco despues di Hilton. Djeynan lo sigui direccion nort. Esnan cu ta bini di nort lo tuma e mesun desviacion.
Informacion cu nan a ricibi ta cu diadomingo for di 2.30 di marduga lo cera e caminda den sector di hotelnan. E banda di trafico di nort pa Playa lo ta cera y direccion di Playa pa nort lo ta habri. Esaki ta nifica cu e busnan di Arubus lo core normal, pero un banda so. Na Palm Beach Plaza lo subi Sasaki sigui te e rotonde banda di Wendy’s unda ta drenta Keito y despues L.G. Smith Blvd.
Tur hende cu ta traha den sector hotel mester tuma e bus di Noord y via di ruta alternativo cu nan tuma ta yega Oranjestad. No tin bus biniendo zuid, pasobra e caminda ta cera. Mester para e otro banda di caminda. Lo haci esfuerso pa ta na tempo, pero mester tene cuenta cu por tin tardansa debi na trafico mas pisa door di e caminda.
E bus lo no pasa dilanti hospital tampoco, pasobra esey ta ruta di e coredornan. Lo pasa straight y para na altura di Costa Linda