Arubus NV kier a manda informacion encuanto un incidente cual a tuma lugar cu nos bus awmainta na altura di Drive in.
Ta asina cu a constata huma na e wiel nan patras di un di nos busnan biniendo for di San Nicolaas. Mesora e chauffeur cu tabata maneha e bus aki a baha pa wak esaki y mesora a bay over na baha e pasahero nan for di e bus pa preveni cualkier eventualidad y na mes momento a tuma contacto cu brandweer. A ser constata cu e brake nan di patras a pega y pa e motibo aki a keinta y cuminsa saca poco huma. Brandweer a sa di spuit awa riba esaki pa juda fria esaki nan y mesora a permiti Arubus pa bay cu e bus, mirando cu no tabata tin ningun peliger mas. E pasahero nan a ser recohi pa un otro bus, caminda nan por a sigui nan ruta normal y e bus a wordo tresi paden pa inspecion preventivo.
Na promer lugar Arubus ta agradecido na Dios cu no tabata tin ningun daño personal na ningun di nos pasaheronan. Daño material ta minimo y e bus aki lo ta back riba caminda pronto.