Gerencia di Arubus ta anuncia e diferente cambionan di ruta cu lo tin durante dianan di paradanan di Carnaval. Pa cu esaki a crea un lista di ruta cu por mira riba http://arubus.com/carnaval-2020/
Pa loke ta e Parada di Mucha di Noord y San Nicolas, e rutanan ta e siguiente:
Ruta L-7B (Noord)
Rotonde Tanki Flip via caminda di Hato, sigui pa Caya Musica, sigui pa San Miguel, Palm Beach, CMB bay links pa Riberostraat, pasa dilanti El Rey Apartments, sali bek panort di Semeleerstraat, sigui cu e ruta normal. Bay bin bek lo keda mescos.
L-2 Dakota – Congo Weg – Lago Heights
Congo Weg, Weg Rooi Hundo, Weg Fontein, Dr. Schaepmanstraat via Hilderbrandstraat pa Gate 8, Staringstraat pasa dilanti Macro Supermarket y bek pa Dr. Schaepmanstraat, Weg Rooi Hundo y sigui cu e ruta normal.
L-3A Santa Cruz – Bernardstraat – Busstation San Nicolas
Rotonde FTA, Pastoor Hendrikstraat, Clavelstraat, Isaac Wagemakerstraat, Crusada Weg Sero Preto links pa Weg Sero Preto, sigui Weg Rooi Hundo, Weg Fontein, Dr. Schaepmastraat, Double Happy Hardware Store, Macro Supermarket, Gate 8, sigui e ruta normal pa despues bay bek na Hilderbrandstraat, pasa bek dilanti Double Happy Hardware y sigui cu e mesun ruta bek.
Pa mas informacion por yama Arubus NV libremente na 520-2300, e-mail na [email protected] of subi riba e website www.arubus.com