Berdad 5 aña a pasa cu e autobusnan blauw di Arubus nan permiso a acaba pero a dicidi di sigui cu e esaki pero cu un miho maneho paso esaki ta pa dos luna pa por wak con tur cos ta cana bay pa cu e proyecto aki segun minister Chris Romero.
Den e contract tabata tin cierto palabracionnan tumando luga, unda cu na niun di dos banda, no a cumpli cu e contract manera debe ser. Pero e situacion aki a keda fastioso pa tur dos banda, y tambe pa e hendenan cu ta core bus den e rutanan aki.
Esaki a pone cu Arubus a haci su trabao y a cuminsa pone transporte pa eynan, pero tambe a crea e situacion caminda 6 autobus a keda desampara. Ta pasando den temponan dificil, y tampoco ta e idea di laga hendenan desampara. A dicidi di duna e autobusnan aki un Ministeriele Beschikking (MB) pa dos luna, pero bou di condicion cu ta core e mesun ruta. Nan mester wanta nan mes na reglanan.
Minister Chris Romero a enfatisa cu no a kibra e moratorio, pero a duna e autobusnan existente, un vergunning, cu aprobacion di DTP. E chauffeurnan den e dos lunanan aki, lo keda vigila con tur cos ta canando y asina por wak con ta bay extende e vergunningnan aki.
En corto, a yega na un solucion, ya cu Arubus no kier a verleng e contractnan mas y gobierno a duna un oportunidad pa sigui brinda e servicio, pero kedando den e reglanan cu tin.
Si minister Romero a splica cu e ta hayando diferente informacion, caminda cu su conseheronan ta bezig cu DTP ta buscando cierto informacionnan, pero den Arubus tambe lo bay vigila y wak e rutanan cu nan ta coriendo,unda cu tin mester di transporte publico.
Ta di remarca cu Arubus su tarifa ta halto compara cu un autobus, pa cual hopi hende ta laga Arubus un banda pa bay cu busnan chikito. Lo mester busca un solucion pa esaki. Arubus ta coriendo cu perdida, pero eigenlijk Arubus ta social pa cual e mester un maneho debido di gobierno. Ta facil pa papia cu e directiva, pero lo mester combersa cu e chauffeurnan ya cu lo mester tin tur dos partido, pa wak kico ta nan idea, pasobra na final, ta e chauffeurnan ta esunnan cu ta ariba caminda constantemente, segun Minister Chris Romero di Transporte Publico.